«Կարծում եմ՝ ՌԴ-ն կամ չի կարողանում, կամ չի ուզում, կամ և՛ չի կարողանում, և՛ չի ուզում». Ալեն Սիմոնյան

ԱԺ նախագահ Ալեն Սիմոնյանը խորհրդարանում լրագրողների հետ ճեպազրույցում խոսել է ՄԱԿ-ի ԱԽ նիստում Ռուսաստանի ելույթի մասին:

«Համարում եմ, որ դաշնակցի կողմից շատ ավելի հասցեական կարող էր հնչել հայտարարությունը։ Դա արեցին երկրներ, որոնք ընդհանրապես Հայաստանի հետ սերտ կապեր չունեն։ Կարծում եմ՝ ՌԴ-ն կամ չի կարողանում, կամ չի ուզում, կամ, միևնույն ժամանակ, և՛ չի կարողանում, և՛ չի ուզում։ Ես զարմացած չեմ, այս վերջին իրադարձությունները ցույց էին տալիս, որ հնարավոր է՝ Ռուսաստանի կողմից նման ձևով հնչի գնահատականը», - ասաց Սիմոնյանը։

Սիմոնյանի խոսքով` այդ կարծիքին է նաև, գուցե, հենց այն պատճառով, որ ռուս խաղաղապահների պատասխանատվության գոտին է Լաչինի միջանցքը։

«Այսինքն՝ իրենք այդ ձևով ուզում են իրենց պատասխանատվությունը նվազեցնել», - ասաց Սիմոնյանը։