ՏԵՍԱՆՅՈՒԹ․ Ադրբեջանցիների հերթական ներկայացումը՝ Լաչինի միջանցքում
Ադրբեջանցի «էկոակտիվիստները» Լաչինի ճանապարհին հերթական չհաջողված ներկայացումն են իրականացրել։ Այն երկրի բնակիչները, որտեղ հանքերի պակաս չկա՝ ֆլեշմոբ են կազմակերպել՝ հավաքելով 884 Ռուբիկի խորանարդներից կազմված խճանկար՝ «Փրկեք էկոլոգիան» գրությամբ։
Նշենք, որ ամբողջ աշխարհն է հասկանում, թե ինչ են անում ադրբեջանցիները Լաչինի միջանցքում և ինչ նպատակներով են հայտնվել այնտեղ։ 120․000 մարդու շրջափակման մեջ պահող թափթփուկների խումբն Արցախում հումանիտար աղետ է ստեղծում, մարդկանց թույլ չի տալիս վերադառնալ իրենց տներ։ Հայաստանում կան արցախցի երեխաներ, որոնք իրենց ծնողներից հեռու են, չեն կարողանում նրանց մոտ վերադառնալ, իսկ ադրբեջանցիների շինծու էկոակտիվիստները իբրև թե բնությունն են փրկում։
