Բրիտանական ընկերությունը պահանջում է վերականգնել իր իրավունքները Արցախի հանքերի շահագործման վերաբերյալ

Ադրբեջանում գործունեություն ծավալող բրիտանական Anglo Asian Mining PLC հանքարդյունաբերական ընկերությունը նամակ է հղել մի շարք միջազգային կազմակերպությունների և կառավարությունների ներկայացուցիչներին, այդ թվում՝ ՄԱԿ-ին, ԱՄՆ Պետդեպարտամենտին, Մեծ Բրիտանիայի ԱԳՆ-ին և Եվրամիությանը՝ հայտարարելով ներկայում այլոց կողմից շահագործվող հանքավայրերի նկատմամբ իր իրավունքների մասին: Այս մասին գում են ադրբեջանական լրատվամիջոցները:

Նշվում է, որ ընկերությունը խնդրում է աջակցություն ցուցաբերել՝ վերականգնելու իրենց «օրինական իրավունքները» և ապահովելու իրենց աշխատակիցների անվտանգ մուտքը դեպի Արցախի Դրմբոնի, Կաշենի հանքեր և հարակից տարածքներ։

Ընկերությունից նշոմ են, որ հանքավայրերը գտնվում են Ռուսաստանի խաղաղապահ ուժերի պատասխանատվության գոտում, սակայն, ըստ Anglo Asian Mining PLC-ի, հայկական ընկերությունների կողմից «ապօրինի» արդյունահանումներն իրականացվել և շարունակվում են այդ տարածքներում։

Հիշեցնենք` ավելի վաղ գրել էինք, որ Ադրբեջանի կառավարությունը գործարք է կնքել բրիտանական Anglo Asian Mining ընկերության հետ ու կոնցեսիոն պայմանագրով մի շարք հանքերի, ներառյալ Կաշենի հանքի շահագործումը հանձնել ընկերությանը՝ 3 մլրդ դոլարի դիմաց։