«Ես նույնիսկ վաղը պատրաստ եմ Պուտինի հետ մենամարտին». Զելենսկի

Ուկրաինայի նախագահ Վլադիմիր Զելենսկին ֆրանսիական LCI լրատվական հեռուստաալիքին տված հարցազրույցում իր ռուս գործընկեր Վլադիմիր Պուտինին առաջարկել է հարցը լուծել բռունցքով։ Լրագրողի հետ զրույցում ուկրաինացի առաջնորդն ասել է, որ իսկական տղամարդն ամեն ինչ որոշում է առանց միջնորդների և «ինքն է հարվածում դեմքին» ու բացատրել է, որ ցանկացած պահի պատրաստ է ռինգ մտնել Պուտինի հետ։

«Իսկական տղամարդը, եթե ուզում է ինչ-որ մեկին մեսիջ հաղորդել կամ ուզում է բռունցքով հարվածել նրա երեսին, ինքն է դա անում: Ես նույնիսկ վաղը պատրաստ եմ Պուտինի հետ մենամարտին»,- ասել է Զելենսկին։

Ուկրաինայի նախագահ Վլադիմիր Զելենսկին հարցազրույցի ժամանակ նաև ասել է, որ տեղյակ է Ռուսաստանի հետ բանակցություններ սկսելու առաջարկների մասին, բայց չի տեսնում, թե ինչի շուրջ կարելի է պայմանավորվել ։

Բացի այդ, Զելենսկին հավելել է, որ չի հավատում ՌԴ նախագահ Վլադիմիր Պուտինի և Ֆրասիայի նախագահ Էմմանուել Մակրոնի միջև երկխոսության արդյունքին: