Պերուի արդեն նախկին նախագահը 1.5 տարի կմնա կալանքի մեջ

Պերուի իշխանազրկված նախկին նախագահ Պեդրո Կաստիլյոն 18 ամիս կմնա նախնական կալանքի մեջ, վճռել է երկրի Գերագույն դատարանը, մինչ նրա կողմնակիցների ամբոխը ցույցեր է անում դատարանի շենքի մոտ և ամբողջ երկրում, տեղեկացրել է CNN-ը։ 

Կաստիլյոն, որը նախկին ուսուցիչ եւ արհմիութենական ղեկավար է եղել Պերուի գյուղերից մեկում, անցած շաբաթ ենթարկվել է իմփիչմենթի եւ հեռացվել պաշտոնից այն բանից հետո, երբ փորձել է ցրել Կոնգրեսը եւ արտակարգ կառավարություն կազմել՝ մարտավարություն, որն օրենսդիրներն անվանել են պետական հեղաշրջման փորձ։ Այդ ժամանակվանից նրան մեղադրում են խռովության եւ դավադրության մեջ, որոնք նա հերքում է։ 

Կալանքի մեջ երկարատեւ պահելը վկայում գործի բարդության եւ փախուստի հնարավոր վտանգի մասին, ասել է Գերագույն դատարանի դատավոր Խուան, Կառլոս Չեքլին այն բանից հետո, երբ դատախազությունը նախազգուշացրել է, որ նախկին նախագահը կարող է ապաստան փնտրել երկրի սահմաններից դուրս, եւ հայտարարել է, որ 18 ամիսը բավական է իրենց հետաքննության համար։