«Ռուսաստանը կգնա միայն առաջ». Պուտին

Ռուսաստանը կշարունակի իր զարգացումը, չնայած արտաքին ճնշումներին, կգնա միայն առաջ, հայտարարել Է ՌԴ նախագահ Վլադիմիր Պուտինը ռազմավարական զարգացման եւ ազգային նախագծերի խորհրդի նիստում: Տեղեկատվությունը փոխանցում է ՌԻԱ Նովոստին:

«Մենք կշարունակենք մեր երկրի զարգացումը, անկախ արտաքին ճնշումներից, ավելին, մենք անպայման կդառնանք ավելի ուժեղ, կիրականացնենք որակապես նոր նախագծեր, Ռուսաստանը դուրս կբերենք ավելի բարձր տեխնոլոգիական մակարդակի, կապահովենք նրա տնտեսական, ֆինանսական, տեխնոլոգիական եւ կադրային ինքնիշխանությունը», - ասել Է Պուտինը:

«Մեզ քաջ հայտնի է` պատժամիջոցներ են պարտադրում։ Իսկ մենք, առաջին հերթին հենվելով սեփական պահուստների եւ ռեսուրսների վրա, անկասկած, միայն առաջ ենք գնալու», - ասել է ՌԴ ղեկավարը։