«Պետք է օդանավակայանը գործարկել». Ռուբեն Վարդանյանի հարցազրույցը` «Կոմերսանտ»-ին

Արցախի Հանրապետության պետնախարար Ռուբեն Վարդանյանը հարցազրույց է տվել «Կոմերսանտ»-ին և խոսել ներկա պահին Արցախում տիրող իրավիճակի մասին:

Վարդանյանը հայտարարել է դեպի Արցախի Հանրապետություն հումանիտար օդային միջանցքի հրատապ բացման անհրաժեշտության մասին։ 

Նա նշել է, որ մշակում են մի համակարգ, որպեսզի բնակչությանն ապահովեն այն ամենով, ինչ անհրաժեշտ է լիակատար շրջափակման պայմաններում։

«Պետք է օդանավակայանը գործարկել։ Դրա համար անհրաժեշտ է միջազգային կառույցների և բոլոր երկրների ճնշումը, որպեսզի մարդասիրական միջանցք բացվի, և մարդասիրական բեռներով ինքնաթիռները կարողանան վայրէջք կատարել Ստեփանակերտի օդանավակայանում։
Սա Ադրբեջանից կախված չլինելու միակ միջոցն է։ Անհրաժեշտ է միջազգային համաձայնագիր, որը թույլ կտա մարդասիրական ինքնաթիռներին թռիչքներ կատարել Արցախ։ Սա մեզ, որպես համայնք, այստեղ պահպանելու կարևոր պայման է։ Որպեսզի նման իրավիճակները չկրկնվեն:
Օդանավակայանը լիովին պատրաստ է գործելու»,- ասել է Ռուբեն Վարդանյանը։