Ադրբեջանցիները Շուշի-Ստեփանակերտ ճանապարհին են հայտնվել շտապօգնության մեքենայով
«Բնապահպաններն» ու լրագրողները Շուշի-Ստեփանակերտ ճանապարհին են հայտնվել շտապօգնության մեքենայով։ Այս մասին հայտնում են տելեգրամյան ալիքները, փոխանցում է Pastinfo.am-ը։ Ըստ այդ աղբյուրների՝ ադրբեջանցիները ռուս խաղաղապահներին խնդրել են թույլ տալ, որ բռնազաթված Շուշիից շտապ օգնության մեքենան շարժվի Գորիսի ուղղությամբ։ Մտնելով մայրուղի ու մի քանի մետր առաջ անցնելով՝ ադրբեջանական շտապօգնության մեքենան կտրուկ փակել է ճանապարհը։ Դրանից անմիջապես հետո ադրբեջանցի սադրիչները՝ բնապահպանների ու լրագրողների քողի տակ, դուրս են թափվել մեքենայից ու բողոքի ակցիա սկսել, ապա նաև՝ վրաններ տեղադրել մայրուղում՝ Շուշիի մոտ։ Հիշեցնենք, որ արդեն 5 ժամ է՝ փակ է մնում Ստեփանակերտ-Գորիս մայրուղին։
