Երևանին «խաղաղության ձեռք» ենք մեկնել. թուրք նախարարի հայտարարությունը
Թուրքիայի և Ադրբեջանի «Եղբայրական բռունցք» զորավարժությունների ժամանակ, որն անցկացվում է Հայաստանի սահմանների մոտ, Թուրքիայի ազգային պաշտպանության նախարար Հուլուսի Աքարը հայտարարել է, որ Երևանին «խաղաղության ձեռք» են մեկնել: Այս մասին հայտնում է «Անադոլու» գործակալությունը:
«Անկեղծորեն հույս ունենք, որ Հայաստանն անպատասխան չի թողնի Թուրքիայի և Ադրբեջանի խաղաղության ձեռքը»,-ասել է նա: Միևնույն ժամանակ նա հայտարարել է. «Թուրքիայի կամ Ադրբեջանի հասցեին ցանկացած սպառնալիք կամ սադրանք, անկախ աղբյուրից, եղբայրական երկրների ճանապարհին որպես ընդհանուր մարտահրավեր կճանաչվի»: Նրա խոսքով՝ Անկարան և Բաքուն «ինչպես բարեկամներին, այնպես էլ թշնամիներին ընդհանուր են համարում»:
Վերջում թուրք նախարարը նշել է Հարավային Կովկասում տարածաշրջանային կոմունիկացիաների, այդ թվում, այսպես կոչված, «Զանգեզուրի միջանցքի» բացման կարևորությունը:
