Ամերիկացին նեղացել, երբ իմացել է, որ իրեն չեն ընդգրկել հանցագործների ցուցակում․ նրան ձերբակալել են
ԱՄՆ-ում ոստիկանությունը ձերբակալել է Ջորջիայի բնակիչ Քրիստոֆեր Սպոլդինգին, ում զայրացրել է Ռոկդեյլ շրջանի ամենափնտրվող հանցագործների ցուցակում իր անվան բացակայությունը։ Նախկինում նրան երկու օրդեր է տրվել՝ պայմանական վաղաժամկետ ազատման խախտման համար, հայտնում է Fox News-ը։
Իրավապահ մարմինների աշխատակիցները կարողացել են հայտնաբերել Սպոլդինգին այն բանից հետո, երբ նա մեկնաբանել է շրջանի շերիֆի գրառումը սոցիալական ցանցերում։
«Իսկ իմ մասո՞վ»,- գրել է Սպոլդինգը նոյեմբեր ամսվա ամենափնտրվող հանցագործների ցուցակի հրապարակման տակ:
Հաջորդ օրը ոստիկանությունը պատասխանել է, որ տղամարդը ճիշտ է, նա խուզարկության երկու օրդեր ունի։ «Մենք ճանապարհին ենք», – ավելացրել է շերիֆը:
Ավելի ուշ նա հրապարակել է ձերբակալված Սպոլդինգի լուսանկարը՝ շնորհակալություն հայտնելով հանցագործին՝ բռնելու հարցում օգնության համար:
Այժմ Ջորջիայի բնակիչը կալանավորված է պայմանական վաղաժամկետ ազատման երկու խախտման մեղադրանքով։
Ոստիկանությունը պարզաբանել է, որ Սպոլդինգը չի ընդգրկվել ամենափնտրվող հանցագործների ցուցակում, քանի որ նա ընդամենը փոքր զանցանք է կատարել։ Նման ցուցակներում ընդգրկվում են միայն սպանություն, բռնաբարություն կամ դաժան հարձակում գործած անձինք։
