Սահակաշվիլիի մայրը` ապագայում որդու` քաղաքական գործունեությամբ զբաղվելու մասին

Վրաստանի նախկին նախագահ Միխայիլ Սահակաշվիլիի մայրը՝ Ջիուլի Ալասանիան ֆեյսբուքյան իր էջում գրել է, որ որդին Վրաստանում այլևս քաղաքական գործունեություն չի ծավալելու։

«Միխայիլ Սահակաշվիլին չի պատրաստվում որևէ կերպ մասնակցություն ունենալ Վրաստանի քաղաքական կյանքում և իր գործով արդար վճռի կայացման հույս ունի»,- գրել է մայրը։

Վերջինս նաև նշել է, որ Սահակաշվիլին չի մեղադրում վրացական իշխանություններին՝ իր հնարավոր թունավորման մեջ, ինչի մասին ավելի վաղ հայտարարել էին Միխայիլ Սահակաշվիլու փաստաբանները։

Հիշեցնենք` արձանագրվել էր, որ Սաակաշվիլիի օրգանիզմում ծանր մետաղների պարունակությունը գերազանցում է նորման։