Ռումբի մասին ահազանգ` Սպիտակի դատարանի շենքում
Համացանցում տեղեկություններ էին շրջանառվում, որ արտակարգ իրավիճակ է ստեղծվել Լոռու մարզում։ Անհայտ անձը ահազանգել է իրավապահ կառույցներից մեկին և հայտնել, որ Սպիտակ քաղաքում, Լոռու մարզի ընդհանուր իրավասության Սպիտակի դատարանի շենքում ռումբ է տեղադրված։
Auroranews-ը կապ հաստատեց Ոստիկանության Հասարակայնության հետ կապի և լրատվության վարչության զանգվածային լրատվամիջոցների հետ կապի, վերլուծության և լրատվության բաժնի պետ Զարզանդ Գաբրիելյանի հետ, ով մեզ հետ զրույցում հասատեց տեղեկությունը: Նա նշեց, որ ահազանգը եղել է ժամը 14:00-ի սահմաններում, սակայն կեղծ է եղել:
Հարցին` ահազանգողի ինքնությունը պարզվել է, թե ոչ, նշեց, որ քննություն է ընթանում:
