ՏԵՍԱՆՅՈՒԹ․ Սոլովյովն իր եթերում մեկնաբանել է նախորդ սկանդալային հեռարձակումը

Վլադիմիր Սոլովյովն իր երեկոյան շոուի եթերում մեկնաբանել է քաղաքագետ Դրոբնիցկու հայտարարությունը, ով Ղազախստանն անվանել է Ռուսաստանի հաջորդ խնդիրը Ուկրաինայից հետո, հաղորդում են ղազախական լրատվամիջոցները։

 

Սոլովյովը նոր թողարկման եթերում առանձին անդրադարձել է քաղաքագետի հայտարարությանը, որը հանրության շրջանում սկանդալի պատճառ է դարձել։ 

 

«Մենք հրավիրում ենք ռուս և օտարերկրյա լավագույն փորձագետներին միանալ մեզ եթերում, և յուրաքանչյուրն ունի իր դիրքորոշումը, ովքեր արտահայտում են իրենց տեսակետը ընթացիկ իրադարձությունների վերաբերյալ: Եվ հաճախ այդ տեսակետները բախվում են միմյանց։ Սա կոչվում է կարծիքների բազմակարծություն և խոսքի ազատություն։ Հիմա ժամանակները հեշտ չեն, երբեմն բոլորի էմոցիաները դուրս են գալիս մասշտաբներից: Որովհետև մենք բոլորս իսկապես մտածում ենք մեր երկրի և նրա ապագայի մասին: Բայց ևս մեկ անգամ կրկնում եմ՝ ժամանակները հեշտ չեն»,- ասել է հաղորդավարը։

 

Նա հիշեցրել է, որ ամռանը Սանկտ Պետերբուրգում կայացած ֆորումի գլխավոր հյուրերից մեկը Ղազախստանի նախագահ Կասիմ-Ժոմարտ Տոկաևն էր։ Այժմ Տոկաևին սպասում են Օրենբուրգում, որտեղ նա կհանդիպի Պուտինի հետ երկուշաբթի օրը, հավելել է Սոլովյովը։

 

«Իհարկե, ռուս և ղազախստանցի քաղաքագետները, փորձագետները և լրագրողները ուշադրությամբ կհետևեն այս իրադարձությանը։ Մեր հաղորդման անունից կարող եմ ասել, որ մեր հարգանքը Տոկաևի նկատմամբ անփոփոխ է։  Բուռն քննարկման ընթացքում, ցավոք, երբեմն ամեն ինչ կարող է լինել։ Բայց մենք սիրում ենք Ղազախստանը, հարգում ենք Ղազախստանի ղեկավարությունը և լավ ենք հասկանում ռուս-ղազախական բարեկամության կարևորությունը»,- ասել է Սոլովյովը։

 

Իսկ Յութուբի իր շոուի եթերում Սոլովյովն ասել է, որ սկանդալային արձակումից հետո սկսվել են քաղաքագետ Դրոբնիցկու նկատմամբ հետապնդումները։

 

 

Քաղաքականություն

Պատահարներ