Քանյե Ուեսթը հայտարարել է, որ պատրաստվում է առաջադրվել ԱՄՆ նախագահի պաշտոնում
Ամերիկացի ռեփեր Քանյե Ուեսթն ասել է, որ 2024 թվականի ընտրություններում առաջադրվելու է Միացյալ Նահանգների նախագահի պաշտոնում, գրում է New York Post-ը՝ հղում անելով կատարողի հետ սոցցանցում հայտնված տեսանյութին։ Տեղեկատվությունը փոխանցում է ՌԻԱ Նովոստին:
«Այո, պարզապես... Մենք պարզապես առաջ ենք շարժվում դեպի ապագա»,- ասել է ռեփերը՝ պատասխանելով այն հարցին, թե պատրաստվում է առաջադրվել:
Տեսանյութում Ուեսթը ցուցադրում է նաև «Ye24» մակագրությամբ հագուստ, որտեղ Ye-ն կարող է հղում լինել ռեփերի կեղծանունին, իսկ 24 թիվը կարող է խորհրդանշել 2024 թվականը, երբ ԱՄՆ-ում տեղի կունենան պետության ղեկավարի հաջորդ ընտրությունները:
