«Մենք ջունգլիներում ենք և ունենք երկու մեծ ու նյարդային փիղ». Մակրոն
Ֆրանսիայի նախագահ Էմանուել Մակրոնը դեմ է արտահայտվել «հեգեմոնիային» և «առճակատմանը»: Տեեկատվությունը հաղորդում է Le Figaro-ն:
«Մենք չենք հավատում հեգեմոնիային և առճակատմանը։ Մենք հավատում ենք կայունությանը, մենք հավատում ենք նորարարությանը», — հայտարարել է Էմանուել Մակրոնը։
Պետության ղեկավարը կարծում է, որ Ասիա-խաղաղօվկիանոսյան տարածաշրջանը՝ Չինաստանի և ԱՄՆ-ի աճող մրցակցության ասպարեզը, պետք է ապավինի իր տարածաշրջանային ուժերին, այդ թվում՝ Ֆրանսիային։
«Մենք ջունգլիներում ենք և ունենք երկու մեծ ու նյարդային փիղ։ Եթե նրանք շատ նյարդայնանան, նրանք կսկսեն կռվել միմյանց հետ, և դա մեծ խնդիր կդառնա ջունգլիների մնացած բնակիչների համար», — բացատրել է Մակրոնը:
Ինչպես հաղորդել Է REGNUM լրատվական գործակալությունը, Ֆրանսիայի նախագահը կոչ է արել Ասիա-խաղաղօվկիանոսյան տարածաշրջանի երկրներին միանալ իրավիճակի շուրջ աճող կոնսենսուսին:
