ԱՄՆ նախագահ Ջո Բայդենը հինգշաբթի ասել է, որ որպես ապացույց չի համարում Ուկրաինայի նախագահ Վլադիմիր Զելենսկու խոսքերն այն մասին, որ Լեհաստանի տարածքում ընկած հրթիռը ուկրաինական չէ։ Այս մասին հայտնում է Սպիտակ տան մամուլի ֆոնդը, փոխանցում է Tass.ru-Ն։ 

Հիշեցնենք՝ երեքշաբթի օրը հրթիռ է ընկել Պրժևոդով գյուղում (Լյուբլինյան վոյևոդություն), որը գտնվում է Լեհաստանի արևելքում՝ Ուկրաինայի հետ սահմանին, ինչի հետևանքով երկու մարդ է զոհվել։ Զելենսկին  մեղադրել է Ռուսաստանին և Արևմուտքից պահանջել «գործել»։