«Կրիտիկական» հանդիպում. ընթանում է Բայդենի և Էրդողանի հանդիպումը
Թուրքիայի եւ ԱՄՆ նախագահներ Թայիփ Էրդողանը եւ Ջո Բայդենը սկսել են հանդիպումը Բալիում, G20-ի գագաթաժողովի շրջանակում, տեղեկացրել է Թուրքիայի նախագահի գրասենյակը։
Նշվում է, որ Էրդողանը Բալիում, G20-ի առաջնորդների գագաթաժողովի շրջանակում, սկսել է բանակցությունները ԱՄՆ նախագահ Բայդենի հետ։
Փորձագետները հանդիպումը գնահատում են որպես «կրիտիկական», քանի որ պաշտոնական Անկարան հրապարակայնորեն չէր ընդունել ԱՄՆ-ի ցավակցությունները Ստամբուլի ահաբեկչության առիթով, իսկ Էրդողանն ինքը Բայդենին մեղադրել էր իսլամ քարոզիչ Ֆեթհուլա Գյուլենին թաքցնելու մեջ, որի հետ է Թուրքիան կապում երկրում 2016թ. պետական հեղաշրջման փորձը։
