Հատուկ անգրագետների համար. Լավրովը` իր խելացի ժամացույցի մասին
Ռուսաստանի արտաքին գործերի նախարար Սերգեյ Լավրովը հերքել է, որ ինքը Apple ապրանքանիշի խելացի ժամացույց ունի։ Համապատասխան տեղեկությունը հայտնում է ՏԱՍՍ-ը։
Քաղաքական գործիչն արձագանքել է ավելի վաղ ցանցում հայտնված տեղեկատվությանն այն մասին, որ նա օգտագործում է ամերիկյան գաջեթներ, որոնք ունակ են տվյալներ հավաքել սարքի տիրոջ մասին։
Նա նշել է, որ համացանցում նշված սարքը արտադրվել է մեկ այլ արտասահմանյան ընկերության կողմից։
«Հատուկ անգրագետների համար արժե բացատրել, որ ժամացույցը արտադրվել է ոչ թե Apple-ի, այլ Huawei-ի կողմից», - ասել է արտգործնախարարը հրատարակությանը տված հարցազրույցում։
Նշվում է, որ ցանցը Լավրովի ժամացույցի վրա ուշադրություն է հրավիրել այն բանից հետո, երբ ՌԴ ԱԳՆ պաշտոնական ներկայացուցիչ Մարիա Զախարովան քաղաքական գործչի հետ տեսանյութ է հրապարակել Telegram-ում։
