Փամբակ գետում շարունակվում են երեխայի որոնողական աշխատանքները

Փամբակ գետում դեռ ընթանում են որոնողական աշխատանքները, որոնցում ներգրավվել են փրկարարական ծառայության 167 և ոստիկանության 90 աշխատակիցներ, կամավորներ, ջրասուզակներ, անօդաչու թռչող սարքեր, ինչպես նաև նավակներ ու տեխնիկական այլ միջոցներ։

Ինչպես հայտնում է Փրկարար ծառայությունը, որոնումները գետում դեռևս շարունակվում են։ Հիշեցվում է, որ հունիսի 15-ին՝ ժամը 17։05-ին, 112 հեռախոսահամարին ահազանգ էր ստացվել այն մասին, որ 7 և 13 տարեկան երկու երեխաներ դուրս են եկել Վանաձոր քաղաքի Նարեկացի փողոցի հասցեներից մեկից ու չեն հասել նախատեսված վայր։ Հունիսի 17-ին Փամբակ գետից արդեն հայտնաբերվել էր 2018 թվականին ծնված Նարե Մարտիրոսյանի մարմինը։