Հզոր բախում Բեդֆորդի մերձակայքում․ տասնյակ վիրավորներ կան և մեկ զոհ

Մեծ Բրիտանիայի Բեդֆորդ քաղաքի մերձակայքում գնացքներ են բախվել: 
 
 Ինչպես հայտնում է The Daily Telegraph-ը, կան տուժածներ։ Երկու մարդատար գնացքների բախման հետևանքով Բեդֆորդի շրջանում տուժել է 89 մարդ։
 
 Բրիտանական տրանսպորտային ոստիկանության տվյալներով՝ տուժածներից 11-ը գտնվում են ծանր վիճակում։ Հաստատվել է նաև գնացքներից մեկի մեքենավարի մահը։

«Բախման որևէ նախանշան չկար՝ ոչ անիվների ճռինչ, ոչ շչակների ձայն, ոչ էլ տագնապի ազդանշաններ։ Հանկարծ ուժեղ հարված եղավ։ Կարծեցի, թե պայթյուն է տեղի ունեցել։ Ամենուր ծուխ էր, մարդիկ արյունոտ դեմքերով ընկած էին հատակին։ Շատերը լացում ու գոռում էին», — The Guardian թերթին պատմել է գնացքներից մեկի ուղևոր Պիտեր Կնապը։