Ադրբեջանի և Վրաստանի ՊՆ ղեկավարները ռազմական համագործակցության ծրագիր են ստորագրել
Ադրբեջանի և Վրաստանի պաշտպանության նախարարները ստորագրել են 2023 թվականի ռազմական համագործակցության ծրագիրը, հաղորդում է Interfax.az-ը:
Փաստաթուղթը երկուշաբթի Թբիլիսիում ստորագրել են պաշտպանության նախարարներ Զաքիր Հասանովը և Ջուանշեր Բուրչուլաձեն, հայտնում է Ադրբեջանի պաշտպանության նախարարությունը։
Հանդիպմանը նախարարները հանգամանալից մտքեր են փոխանակել տարածաշրջանային անվտանգության հարցերի, ռազմական համագործակցության զարգացման հեռանկարների, համատեղ զորավարժությունների անցկացման և աշխատանքային հանդիպումների կազմակերպման շուրջ։
