Ներգաղթյալների հոսքի պատճառով ԱՄՆ-ում աշխատանքից կազատեն սահմանապահ ծառայության պետին

ԱՄՆ նախագահ Ջո Բայդենի վարչակազմը մաքսային և սահմանային պաշտպանության ծառայության ղեկավար Քրիս Մագնուսից պահանջել է հրաժարական տալ հարավային սահմանին միգրանտների հոսքի պատճառով։  Այս մասին ուրբաթ հայտնել է Associated Press գործակալությունը՝ վկայակոչելով իրավիճակին ծանոթ աղբյուրներ։

Մագնուսին երկու տարբերակ են առաջարկել՝ կա՛մ առաջիկա օրերին նա ինքնուրույն կհեռանա, կա՛մ կհեռացվի:  Վերջինս այս պաշտոնը զբաղեցրել է մեկ տարուց էլ քիչ ժամանակ։

Անցած ֆինանսական տարում, որն ավարտվել է սեպտեմբերի 30-ին, ԱՄՆ պաշտոնյաները Մեքսիկայի հետ սահմանին ձերբակալել են գրեթե 2,4 միլիոն անօրինական միգրանտների:  Մեկ տարի առաջ այս ցուցանիշը 1,96 միլիոն էր, իսկ 2020 թվականին՝ 646,8 հազար։ հ

Հանրապետականները պնդում են, որ սա ԱՄՆ մեկնող միգրանտների միայն մասն է, և նրանցից շատերին հաջողվել է աննկատ հատել սահմանը։

Միգրանտների խնդրին Բայդենի վարչակազմի ձախողումը դարձել է միջանկյալ ընտրություններից առաջ հանրապետականների քննադատության հիմնական ոլորտներից մեկը։ 

Անօրինական միգրացիայի դեմ պայքարում հաջողությունն անհրաժեշտ է, որ Բայդենն ամրապնդի իր դիրքերը 2024 թվականին նախագահի պաշտոնի համար պայքարում։