Ալիևը Արցախի օկուպացված տարածքներ է հրավիրել թյուրքական պետությունների ղեկավարներին. ինչի՞ց է նա դժգոհել

Ադրբեջանի նախագահ Իլհամ Ալիևը, թյուրքական պետությունների կազմակերպությունների գագաթաժողովում ելույթ ունենալով, հիշել է Ակնայի վիճակը։

«Աղդամը միջազգային փորձագետները համարում են Կովկասի Հիրոսիմա։ Այնտեղ 67 մզկիթներից  65-ն ավերված են, իսկ մնացած երկու մզկիթներին հասցվել է մեծ վնաս, նրանք օգտագործվել են խոզեր ու կովեր պահելու համար։  Դա վիրավորական է ողջ մուսուլմանական աշխարհի համար»,-ասել է Ալիևը։

Ադրբեջանի ագրեսորը խոսել է նաև ականապատ տարածքների մասին և դժգոոհել, որ Հայաստանն ականապատել է  տարածքները, որոնք հիմա օկուպացված են Ադրբեջանի կողմից։ Ըստ Ալիևի` այդտեղ 1 մլն ական է տեղադրվել, իսկ 2020 թ. պատերազմի ավարտից  մինչ օրս ականների պայթյունի հետևանքով մահացել կամ ծանր վիրավորվել են Ադրբեջանի 270 քաղաքացիներ։

Վերջինս ուրախությամբ նշել է, որ Թուրքիայի նախագահը երեք անգամ եղել է Ղարաբաղում։ Նա ադրբեջանական զինված ուժերի կողմից օկուպացված Արցախ է հրավիրել թյուրքական պետությունների ղեկավարներին, նաև շնորհակալություն է հայտնել Ուզբեկստանի ու Ղազախստանի նախագահներին, որոնց ցուցաբերած աջակցությամբ Վարանդայում կառուցվելու է դպրոց ու ստեղծագործական կենտրոն։