Դանիան «Հյուսիսային հոսքին» թույլ է տվել ուսումնասիրել գազատարների վթարը

Nord Stream AG-ն Դանիայի բացառիկ տնտեսական գոտում (EEZ) դիվերսիայի հետևանքով «Հյուսիսային հոսք» և «Հյուսիսային հոսք 2» գազատարների վնասների վերաբերյալ սեփական հետաքննությունը իրականացնելու թույլտվություն է ստացել։  Այս մասին հինգշաբթի հայտնել է Դանիայի ռադիոն։

Թույլտվության ստացման փաստը հաստատել է դանիական Geodata Agency-ի տնօրեն Պիա Դալ Հոյգորդը։

Դանիական ռադիոն նշում է, որ և՛ Դանիան, և՛ Շվեդիան նախկինում եկել էին այն եզրակացության, որ գազատարները պայթեցվել են, սակայն հնարավոր չէ նշել, թե ովքեր են կանգնած այս դիվերսիայի հետևում։