Ադրբեջանն արգելել է Լեռնային Ղարաբաղ հումանիտար օգնություն տեղափոխող ռուսական ինքնաթիռի թռիչքն իր տարածքով

Ռուսաստանի ռազմաօդային ուժերի Ան-148 բեռնատար ինքնաթիռը, որը 12 տոննա «մարդասիրական օգնություն» էր տեղափոխում Ղարաբաղում ռուսական խաղաղապահ զորախմբի ժամանակավոր պատասխանատվության գոտի, թույլտվություն չի ստացել Ադրբեջանի օդային տարածքով թռիչքի համար, գրում է Armtimes.com-ը։ 

Այս մասին հայտնում են ադրբեջանական լրատվամիջոցները՝ նշելով, որ արդյունքում ինքնաթիռն ստիպված է եղել փոխել ուղղությունն ու թռչել Իրանի տարածքով։