Մեր նպատակն է, որ ուսուցիչը ստանա 800 հազար դրամից1 մլն 200 հազար դրամ աշխատավարձ. Փաշինյան
2023 թվականի համար ես խնդիր եմ առաջադրել ԿԳՄՍ նախարարությանը, որ ուսուցիչների ատեստավորման համակարգը ներդրվի նաև արվեստի դպրոցներում, մարզադպրոցներում, երաժշտական դպրոցներում, մանկապարտեզներում: Այսօր ԱԺ-ում հայտարարեց ՀՀ վարչապետ Նիկոլ Փաշինյանը` հավելելով, որ ուսուցիչների ատեստավորման այս համակարգն իրեն արդարացնում է:
Վարչապետը մասնավորապես նշել է, որ այսօր այդ համակարգի ուսուցիչները 3 տարի կամ 5 տարին մեկ պետք է նորից անցնեն ատեստավորում:
«Այսօր մենք ունենք հնարավորություն, որ ուսուցիչը ստանա 400-ից 450 հազար դրամ աշխատավարձ: Բայց մեր նպատակն այն է, որ ուսուցչի աշխատավարձը դառնա 800-ից 1 մլն 200 հազար դրամ և դա ատեստավորման այս համակարգի օգնությամբ հնարավոր է»,- ասաց Փաշինյանը:
