Լեհաստանը պատ կկառուցի ՌԴ-ի հետ սահմանին
Լեհաստանի պաշտպանության նախարար Մարիուշ Բլաշչակը հրամայել է Կալինինգրադի հետ սահմանի երկայնքով ժամանակավոր արգելապատնեշ կառուցել, հայտնում է AP-ն։
Այս քայլը կապված է նրա հետ, որ Վարշավան կասկածում է, որ Ռուսաստանը ծրագրում է նպաստել ասիացի և աֆրիկացի միգրանտների՝ սահմանի անօրինական հատմանը:
Պաշտպանության նախարար Մարիուշ Բլաշչակը հայտարարել է, որ սահմանը պետք է պաշտպանված լինի, որպեսզի Լեհաստանն իրեն ապահով զգա։ Նա նշել է, որ թույլատրել է 210 կիլոմետրանոց սահմանի երկայնքով ժամանակավոր արգելապատնեշ կառուցել: Աշխատանքները կսկսվեն չորեքշաբթի.
Բելառուսի հետ Լեհաստանի սահմանը անցյալ տարի լուրջ միգրացիոն ճգնաժամի վայր էր, որտեղ մեծ թվով մարդիկ ապօրինի հատեցին սահմանը: Լեհաստանը պողպատե պատ է կառուցել Բելառուսի հետ սահմանին:
