Քաղաքաբնակ չաշխատող մայրը ամսական կվճարվի 31,600 դրամ. մանրամասներ

Երեխայի խնամքի արձակուրդում գտնվող և գյուղաբնակ ծնողներից բացի՝ մինչև 2 տարեկան երեխայի խնամքի նպաստ կստանան նաև քաղաքաբնակ չաշխատող մայրերը, տեղեկացնում են ՀՀ աշխատանքի և սոցիալական ծառայությունից։ 

◉ Անհատ ձեռնարկատերերը կամ քաղաքացիաիրավական պայմանագրով աշխատողները ևս կստանան 31,600 դրամ խնամքի նպաստ՝ անկախ հաշվառման վայրից։ 

◉ Եթե երեխան ծնվել է 2023 թվականի հունվարի 1-ին կամ հետո և մայրը չի աշխատում, ապա ամսական կվճարվի 31,600 դրամ։ 

◉ Եթե մայրն աշխատում է, սակայն գտնվում է խնամքի արձակուրդում, ևս կստանա 31,600 դրամ խնամքի նպաստ։ Սակայն եթե մայրը խնամքի արձակուրդից վերադառնա աշխատանքի, ապա ամսական կվճարվի 37,500 դրամ։ 

◉ Խնամքի արձակուրդում գտնվող գյուղաբնակ ծնողներն ամսական կստանան 63,200 դրամ։ 

◉Վարձու աշխատող և խնամքի արձակուրդում չգտնվող գյուղաբնակ ծնողներին ամսական կտրամադրվի 69,100 դրամ խնամքի նպաստ։