Օվերչուկն ու Ալիևը քննարկում են ունեցել. ինչ է հայտնի
ՌԴ փոխվարչապետ Ալեքսեյ Օվերչուկը Ադրբեջանի նախագահ Իլհամ Ալիևի հետ քննարկել է երկկողմ առևտրատնտեսական համագործակցության ամրապնդման հարցերը, հաղորդում է Ռուսաստանի կառավարության մամուլի ծառայությունը:
Նշվում է, որ կողմերը գոհունակություն են հայտնել երկու երկրների նախագահների միջև ձեռք բերված պայմանավորվածությունների հիման վրա ընթացող հարաբերությունների դինամիկ զարգացման և տնտեսության, այդ թվում՝ տրանսպորտային – լոգիստիկ ոլորտում համագործակցության վիճակի կապակցությամբ՝ նշելով փոխգործակցության բոլոր ուղղություններով առաջընթացը և Ռուսաստանի և Ադրբեջանի ապրանքաշրջանառության ավելացումը:
«Մտքեր են փոխանակվել «Հյուսիս-Հարավ» միջազգային տրանսպորտային միջանցքի զարգացման հարցերի շուրջ», քննարկվել է Ադրբեջանի Հանրապետության վարչապետի տեղակալ Շահին Մուստաֆաևի, Հայաստանի Հանրապետության փոխվարչապետ Մհեր Գրիգորյանի և Ռուսաստանի Դաշնության կառավարության նախագահի տեղակալ Ալեքսեյ Օվերչուկի համատեղ նախագահությամբ եռակողմ աշխատանքային խմբի գործունեությունը», – ասված է հաղորդագրության մեջ:
