Թուրքիան Հայաստանի հետ հարաբերություններում կարող է դիմել «ֆուտբոլային դիվանագիտության»

Թուրքիայի Ազգային մեծ ժողովի արտաքին հարաբերությունների հանձնաժողովի նախագահ Ակիֆ Չաղաթայ Քըլըչը հայտարարել է, որ Անկարան կարող է կրկին դիմել «ֆուտբոլային դիվանագիտության» Հայաստանի հետ հարաբերությունների կարգավորման գործընթացում։ 

«Մարտի 25-ին երկու երկրների հավաքականների միջև ֆուտբոլային հանդիպումներ կանցկացվեն Հայաստանում, իսկ սեպտեմբերին՝ Թուրքիայում: Մեր թիմը կգնա այնտեղ, գուցե, մենք էլ գնանք։ Կարգավորման գործընթացը դրական է ընթանում. դրական դինամիկա է նկատվում նաև Հայաստանի և Ադրբեջանի հարաբերություններում։ Դա պետք է արվի առանց սադրանքների դիմելու», - հայտարարել է Քըլըչը։ 

Հիշեցնենք՝ հունվարի 14-ին Մոսկվայում տեղի ունեցավ Հայաստանի և Թուրքիայի միջև հարաբերությունների կարգավորման գործընթացի հատուկ ներկայացուցիչների առաջին հանդիպումը՝ Հայաստանի խորհրդարանի փոխնախագահ Ռուբեն Ռուբինյանի և ԱՄՆ-ում Թուրքիայի նախկին դեսպան Սերդար Քըլըչի միջև։ 

Բանակցությունների ընթացքում կողմերը ցույց են տվել իրենց պատրաստակամությունը երկխոսություն վարելու կառուցողական ձևով։