Ռուսաստանի դեսպանը խոսել է Հայաստանի հետ հարաբերությունների մասին

Հայաստանի և Ռուսաստանի հարաբերությունները պատվով կհաղթահարեն ամրության փորձարկումները, հայտարարել է Երևանում ՌԴ դեսպան Սերգեյ Կոպիրկինը համաժողովում: 

«Բոլորիս համար բարդ այս շրջանում Հայաստանի և Ռուսաստանի միջև հարաբերություններն անցնում են ամրության փորձարկումներ, և ես համոզված եմ, որ այդ փորձարկումը, անկախ որևէ խոչընդոտից, երկրները պատվով կհաղթահարեն։ Մենք գնահատում ենք այն դիրքորոշումը, որին մեր հայրենակիցները հավատարիմ են Ուկրաինայում հատուկ ռազմական գործողություն սկսելուց հետո։ Ձեր դիրքորոշումն, անշուշտ, հաստատում է ռուսական աշխարհի անխախտելիությունը, Ռուսաստանի և արտասահմանյան Սփյուռքի միասնականությունը»,- Կոպիրկինի խոսքը մեջբերում է Երևանում ռուսական տան մամուլի ծառայությունը: