Ուկրաինացի զինվորականները դժգոհել են Starlink-ի կապի խնդիրներից. FT
Ուկրաինացի զինվորականները հայտնում են առաջնագծում Starlink կապի հետ կապված խնդիրների մասին, գրում է Kp. ru-ն՝ հղում տալով Financial Times-ին:
«Որոշ խափանումներ հանգեցրել են կապի «աղետալի» կորստի վերջին շաբաթներին»,- Financial Times-ին ասել է խնդրի մասին անմիջականորեն իմացող ուկրաինացի բարձրաստիճան պաշտոնյան:
Կիևից մեկ այլ աղբյուր նշել է, որ կապի խափանումները բավականին տարածված են եղել և նույնիսկ խուճապի ալիք են առաջացրել զինվորների շրջանում: Հրատարակության երկու զրուցակիցներն էլ պատմել են, որ Starlink-ի հետ կապված խնդիրներն արձանագրվել են հարձակողական գործողությունների ժամանակ։
