Ինչ իրավիճակ է Արցախում. ցուցարարները պահանջում են նախագահ Արայիկ Հարությունյանին
Ստեփանակերտում բողոքի ակցիա անցկացնող քաղաքացիներին մոտեցել է Արցախի Ազգային ժողովի նախագահ Արթուր Թովմասյանը վերջիններիս հարցերին պատասխանելու համար, սակայն ցուցարարները պահանջում են նախագահ Հարությունյանին:
News. amի փոխանցմամբ՝ արցախցիներին հայտնել են, որ նախագահը քաղաքում չէ:
«Ես որպես Ազգային ժողովի նախագահ պատրաստ եմ պատասխանել ձեզ»,- ասել է Թովմասյանը, բայց հավաքվածները ասել են, որ չեն հեռանա մինչեւ չտեսնեն Արայիկ Հարությունյանին:
Նշենք, որ մեծ թվով ոստիկաններ կան նախագահի նստավայրի հետ, քաղաքացիների թիվն անցնում է մի քանի հարյուրից:
MediaHub-ի փոխանցմամբ՝ Արայիկ Հարությունյանի խոսնակ Լուսինե Ավանեսյան հստակ որևէ պատասխան չի տվել հարցին, թե նախագահը կիջնի՞ ակցիայի մասնակիցների մոտ:
«Զարգացումների մասին տեղյակ կպահենք»,- եղել է Ավանեսյանի պատասխանը:
Նշվում է, որ քաղաքացիները Հարությունյանին կես ժամ են տվել իրենց մոտ դուրս գալու համար, ինչը արդեն լրացել է:
