Սպանություն՝ Երևանում․ կնոջ մարմնի վրա կան դանակի հարվածների հետքեր
Քիչ առաջ մամուլում տեղեկություն տարածվեց, որ հոկտեմբերի 6-ին, սպանություն է տեղի ունեցել Երևանում։ Մասնավորապես նշվում էր, որ Նուբարաշեն վարչական շրջանի 6-րդ փողոցի շենքերից մեկի բնակարաններից մեկի հյուրասենյակում հայտնաբերել են կնոջ դի, արնաշաղախ վիճակում։ Բժշկի նախնական եզրակացության համաձայն՝ մարմնի վրա կա դանակի մի քանի հարվածի հետքեր։
Auroranews-ի հետ զրույցում Քննչական կոմիտեի մամուլի խոսնակը հաստատեց տեղեկությունը և նշեց, որ քննիչն այս պահին տեղում աշխատանքներ է կատարում և մանրամասները կկարողանան ներկայացնել ավելի ուշ։
