Բայդենի և Էրդողանի խորհրդականները խոսել են Հայաստանի և Ադրբեջանի միջև խաղաղության բանակցությունների մասին
Ստամբուլում ԱՄՆ նախագահի ազգային անվտանգության հարցերով խորհրդական Ջեյք Սալիվանը հանդիպել է Թուրքիայի նախագահի մամուլի խոսնակ և գլխավոր խորհրդական Իբրահիմ Քալընի հետ, հայտնում է Սպիտակ տունը։
Նրանք քննարկել են իրենց շարունակական աջակցությունն Ուկրաինային, դատապարտել են Ռուսաստանի կողմից ուկրաինական տարածքների անօրինական բռնակցման փորձը:
Սալիվանն ու Քալընը քննարկել են տարածաշրջանային անվտանգությանը վերաբերող հարցեր, այդ թվում՝ Հայաստանի և Ադրբեջանի միջև խաղաղության բանակցություններին աջակցությունը, Արևելյան Միջերկրական ծովում տարաձայնությունները լուծելու համար երկխոսության և դիվանագիտության կարևորությունը և Ֆինլանդիայի և Շվեդիայի ՆԱՏՕ-ին անդամակցելու առաջընթացը:
