«Կլինի ՌԴ նախագահի ծավալուն ելույթ». Պեսկովը` Պուտինի այսօրվա ելույթի մասին

ՌԴ նախագահի մամուլի քարտուղար Դմիտրի Պեսկովը հայտնել է, որ ԴԺՀ-ն, ԼԺՀ-ն, Խերսոնի եւ Զապորոժիեի մարզերը կդառնան ՌԴ-ի ինքնիշխան տարածք, դրանց վրա կտարածվի նաեւ միութենական պետության մասին պայմանագիրը: Այս մասին հայտնոմ է ՌԻԱ Նովոստին:

«Կլինի ՌԴ նախագահի ելույթ, ևս մեկ անգամ կրկնում եմ, ծավալուն ելույթ, և հետո կլինի փաստաթղթերի ստորագրման արարողություն։ Փաստաթղթերի ստորագրման արարողությանը կմասնակցեն ԴԺՀ-ի ղեկավար Դենիս Պուշիլինը, ԼԺՀ-ի ղեկավար Լեոնիդ Պասեչնիկը, Զապորոժիեի մարզի ղեկավար Եվգենի Բալիցկին, Խերսոնի մարզի ղեկավար Վլադիմիր Սալդոն: ՌԴ-ում նոր սուբյեկտներ ընդունելու մասին չորս պայմանագիր կստորագրվի», - լրագրողներին ասել է Պեսկովը։

Պեսկովի խոսքով ՝ հանրաքվեների թեման եղել է երկու նախագահների շփման օրակարգում, որը վերջերս տեղի է ունեցել Սոչիում:
 

Հիշեցնենք` Ռուսաստանի եւ Բելառուսի ղեկավարները երկուշաբթի Սոչիում բանակցություններ են վարել: Նրանք անդրադարձել են արեւմտյան պատժամիջոցներին եւ դրանց դիմակայությանը: