Մարդիկ կան արդեն թունելի մեջ են ապրում։ Այս մասին Auroranews-ին հայտնեցին ռուս-վրացական սահմանին գտնվող մեր հայրենակիցները։ 

Հրապարակված կադրերում երևում է, թե ինչ մեծ հերթեր են գոյացել ռուս-վրացական սահմանի անցակետի հարակից տարածքում։ 

«Մարդիկ կան, որոնք առանց մեքենայի են։ Ընտանիքով, մանկահասակ երեխայի հետ ու քնում են թունելում, գետնին, իրավիճակն ահավոր է»։ 

Ավելի վաղ հայտնել էինք, որ Ռուսաստանի Դաշնությունում սեպտեմբերի 21-ին հայտարարված մասնակի մոբիլիզացիայի ֆոնին սահմանի ռուսական կողմում մեքենաների հսկայական հերթի խցանման երկարությունը 15 կիլոմետրից ավելի է։