Մակրոնն ու Ալիևը հեռախոսազրույց են ունեցել
Ֆրանսիայի նախագահ Էմանուել Մակրոնը հեռախոսազրույց է ունեցել Ադրբեջանի նախագահ Իլհամ Ալիևի հետ, նախօրեին Ելիսեյան պալատում Հայաստանի վարչապետ Նիկոլ Փաշինյանին ընդունելուց հետո: Այս մասին հայտնում է Ելիսեյան պալատը:
Երկրի ղեկավարը կրկնել է ադրբեջանցի գործընկերոջն ուղղված իր կոչը՝ վերադառնալ հրադադարի պահպանմանը և ուժերը պահել իրենց սկզբնական դիրքերում, մինչդեռ վերջին օրերի բախումները բազմաթիվ զոհեր են տվել։ Նա հիշեցրել է նաև Հայաստանի տարածքային ամբողջականությունը հարգելու իր պահանջը։
Մակրոնը Ալիևին տեղեկացրել է բոլոր չլուծված հարցերի շուրջ բանակցությունները շարունակելու վարչապետ Փաշինյանի պատրաստակամության և դրանց նպաստելու Ֆրանսիայի պատրաստակամության մասին։
