Էրդողանն ու Ալիևը հայերին անվանում են «սրի մնացորդներ». ֆրանսիացի պատգամավոր

Ֆրանսիայի Սենատի պատգամավոր Վալերի Բուայեն ՀՀ վարչապետ Նիկոլ Փաշինյանի՝ Ֆրանսիա կատարած այցի շրջանակում պատասխանել է ֆրանսիական cnews.fr-ի հարցերին ու դատապարտել Էրդողանի ցեղասպանական ծրագիրը, փոխանցում է News.am-ը։ 

«Այն, ինչ ուզում են անել Ալիևը և նրա դաշնակից Էրդողանը, գործն ավարտին հասցնելն է, նրանք հայերին անվանում են «սրի մնացորդներ» և ցանկանում են ավարտին հասցնել ցեղասպանությունը»,- լրագրողի հարցին ի պատասխան՝ ասել է Վալերի Բուայեն։ 

Ավելի վաղ նա Facebook-ի իր էջում գրել էր. ««Հրավիրում եմ Ֆրանսիային եվրոպական և միջազգային կառույցների հետ մեծ շարժում սկսել Հայաստանի համար: Ռուսաստանի կողմից հարձակման ենթարկված Ուկրաինայի և Ադրբեջանի կողմից հարձակման ենթարկված Հայաստանի միջև երկակի ստանդարտներ չեն կարող լինել»: