Ճապոնիայի ԱԳՆ-ն Ռուսաստանից ներողություն է պահանջել Վլադիվոստոկում հյուպատոսի ձերբակալման համար
Ճապոնիայի արտաքին գործերի նախարարությունը կանչել է ՌԴ դեսպան Միխայիլ Գալուզինին և բողոք է ներկայացրել՝ կապված Վլադիվոստոկում հյուպատոսի ձերբակալման հետ։ Այս մասին գրում է Коммерсант-ը:
Դեպարտամենտի ղեկավար Յոշիմասա Հայաշին ասել է, որ դիվանագետը անօրինական գործողություններ չի կատարել, և Մոսկվայից ներողություն է պահանջել։
Նշենք, որ հյուպատոսն այժմ ազատության մեջ է և մինչև սեպտեմբերի 28-ը պետք է հեռանա Ռուսաստանից։
Ավելի վաղ Ռուսաստանի ԱԴԾ-ն հայտարարել է Վլադիվոստոկում Ճապոնիայի գլխավոր հյուպատոսին ձերբակալելու մասին, վերջինս մեղադրվում է լրտեսության մեջ:
«ՌԴ Անվտանգության դաշնային ծառայությունը Պրիմորսկի երկրամասում կանխել է Վլադիվոստոկում Ճապոնիայի գլխավոր հյուպատոսարանի հյուպատոս Մոտոկի Տացունորիի լրտեսական ակցիան»,- նշված է ՌԴ ԱԴԾ-ի հաղորդագրության մեջ։
