Ադրբեջանի ագրեսիան հարձակում էր Հայաստանի տնտեսական առաջընթացի նկատմամբ. Փաշինյան

Կառավարության այսօրվա նիստում վարչապետ Նիկոլ Փաշինյանը հայտարարեց, որ Ադրբեջանի ագրեսիան Հայաստանի դեմ ագրեսիա է նաև հայկական ժողովրդավարության դեմ։ Փաշինյանի խոսքով` ի հեճուկս բոլոր հարձակումների, Հայաստանը շարունակելու է ժողովրդավարական բարեփոխումների գործընթացները, այդ թվում՝ տնտեսական։

«Մենք պետք է շատ մեծ ուշադրություն դարձնենք բանակի բարեփոխումներին», - ասաց վարչապետը։

Վարչապետը հայտարարեց, թե ստեղծված իրավիճակը որևէ կերպ չի նսեմացնում խաղաղության օրակարգի կարևորությունը, ընդհակառակը, ավելի է ընդգծում դա։

«Հայաստանի պետական շահը պետք է դառնա որոշումների կայացման հիմնական ուղենիշ ու մենք պետք է առաջնորդվենք այս տրամաբանությամբ», - ասաց նա։

Փաշինյանը նշեց, թե Ադրբեջանի ագրեսիան հարձակում էր Հայաստանի տնտեսական առաջընթացի նկատմամբ։