Հինգ զբոսաշրջիկ է մահացել Կլյուչևսկոյ հրաբխի վրա բարձրանալիս
Կամչատկայում Կլյուչևսկոյ հրաբխի վրա բարձրանալիս հինգ զբոսաշրջիկ է մահացել, ՌԻԱ Նովոստիին հայտնել է շրջանային կառավարության փոխնախագահ Ռոման Վասիլևսկին։
«Տեղեկությունները նախնական են, շատ ոչ ստույգ, քանի որ այնտեղ անընդհատ կապն ընդհատվում է, ինձ ասացին, որ հինգ մարդ է զոհվել, մեկը վիրավորվել է»,- ասաց նա։
Ավելի վաղ արտակարգ իրավիճակների ծառայության ներկայացուցիչը ՌԻԱ Նովոստիին հայտնել էր, որ խմբով բարձրացած 12 զբոսաշրջիկներից չորսը մահացել են։
Դեպքի հանգամանքները պարզվում են։
