Ակադեմիական քաղաքը կկառուցվի, առավելագույնը 8 պետական բուհ կունենանք. Փաշինյան

 Ակադեմիական քաղաքը կկառուցվի Աշտարակում. այս մասին այսօր հայտարարել է ՀՀ վարչապետ Նիկոլ Փաշինյանը։ 

Ըստ վարչապետի՝ «Միավորվող, նորացվող բուհերը ժամանակի ընթացքում այնտեղ կտեղափոխվեն»։ 

Փաշինյանը տեղեկացրել է, որ կառավարությունը մտադիր է գնալ բուհերի խոշորացման և որոշ գիտահետազոտական ինստիտուտների հետ ինտեգրման ճանապարհով. 

«Այնպես, որ ունենանք առավելագույնը 8 կոնսոլիդացված պետական բուհ։ Այդ 8 բուհերը լիարժեք պետական ֆինանսավորմամբ կհամապատասխանեցվեն միջազգային չափանիշներին՝ սկսած ֆիզիկական, այդ թվում կրթական, հետազոտական, մարզական, հանրակացարանային ենթակառուցվածքներից, մինչև միջազգային կրթական ծրագրերն ու որակավորված, պատշաճ վճարվող պրոֆեսորադասախոսական կազմը»։