Ռուսական զորքերը կենտրոնացել են Դոնբասի և Լուգանսկի շրջաններն ամբողջությամբ գրավելու վրա. Ուկրաինայի ԳՇ

 Ռուսական զորքերը կենտրոնացել են Դոնբասի և Լուգանսկի շրջաններն ամբողջությամբ գրավելու, ինչպես նաև «այլ օկուպացված տարածքներ պահելու վրա», հայտնում է Ուկրաինայի զինված ուժերի գլխավոր շտաբը:

Իրավիճակը հյուսիսային հատվածում անփոփոխ է. հրետակոծվել են Չեռնիգովի և Սումիի շրջանները։ Ռուսական զորքերը նաև գնդակոծել են Խարկովը, Դոնբասը և հարավում գտնվող բնակավայրերն ու դրանց շրջակայքը, հայտնել են Ուկրաինայի զինված ուժերը։

Ուկրաինական ԶՈւ գլխավոր շտաբի տվյալներով՝ ռուսական ստորաբաժանումները Դոնեցկի շրջանում փորձել են առաջխաղացում կատարել Լիսիչանսկի նավթավերամշակման գործարանի ուղղությամբ։