Էկոնոմիկայի նախարար Գևորգ Պապոյանը հրավեր է ստացել մասնակցելու Եկատերինբուրգի ֆորումին․ նախարարություն

ՀՀ էկոնոմիկայի նախարարությունից հայտնում են, որ նախարար Գևորգ Պապոյանը ռուս գործընկերոջից հրավեր է ստացել մասնակցելու հուլիսին Եկատերինբուրգում կայանալիք առևտրատնտեսական ֆորումին։

Նախարարությունից նշում են, որ մամուլում տարածված տեղեկությունները նրա ենթադրյալ գործուղման վերաբերյալ իրականությանը չեն համապատասխանում, իսկ հրապարակումների մի մասը հիմնված է ենթադրությունների վրա։

«Սա է միակ փաստը։ Մյուս հատվածները հեղինակի կողմից ներկայացված ենթադրություններ են, որոնք չեն համապատասխանում իրականությանը», - ասվում է նախարարության հաղորդագրությունում։

Ընդգծվում է նաև, որ Հայաստանի և Ռուսաստանի հարաբերությունները շարունակվում են կառուցվել փոխադարձ հարգանքի և կառուցողական երկխոսության սկզբունքների հիման վրա։

Հիշեցնենք, որ ավելի վաղ այս թեմայի վերաբերյալ «Հրապարակ» օրաթերթը տարածվել էր տեղեկություններ, թե Գևորգ Պապոյանը նամակ է ուղարկել Ռուսաստանի արդյունաբերության և առևտրի նախարար Անտոն Ալիխանովին՝ խնդրելով մասնակցության հնարավորություն Եկատերինբուրգի ֆորումին։

Ըստ այդ հրապարակման՝ նախարարի այցի նպատակներից մեկը Հայաստանից արտահանման խնդիրների և ռուսական սանկցիաների հարցերի քննարկումն էր, սակայն մինչ այդ պահը, ըստ նույն աղբյուրի, նամակին պատասխան չէր տրվել, ինչի շուրջ ներկայացվել էին նաև տարբեր մեկնաբանություններ։

Այսինքն՝ ըստ հրապարակումների, պարզ է դառնում, որ Գևորգ Պապոյանը ոչ թե նամակ է ուղարկել և խնդրել մասնակցություն այդ ֆորումին, այլ ինքն է հրավեր ստացել :