Մայր Աթոռից արձագանքել են Գագիկ Մելքոնյանին. «Ժողովուրդ»
«Ժողովուրդ» օրաթերթի հետ զրույցում «Քաղաքացիական պայմանագիր» խմբակցության պատգամավոր Գագիկ Մելքոնյանը նշել է, որ ինքը (Գագիկ Մելքոնյանը) 3 տարի առաջ փորձել է միջնորդել, որ տեղի ունենա Ամենայն Հայոց Կաթողիկոս Գարգեին Բ-ի և Նիկոլ Փաշինյանի հանդիպումը, որպեսզի առկա տարաձայնությունները հարթվեն։ Միջնորդության համար, ինչպես նա է ասել, դիմել է նաև Կոտայքի թեմի առաջնորդ Առաքել արքեպիսկոպոս Քյարամյանին։ Վերջինս էլ համաձայնվել է այդ խնդրով դիմել Վեհափառ Հայրապետին։
Գագիկ Մելքոնյանի խոսքով՝ Փաշինյանը համաձայն է եղել, համաձայնվել է նաև Վեհափառ Հայրապետը, սակայն մեկ օր անց Կաթողիկոսը հրաժարվել է՝ պատճառաբանելով, որ մինչև դպրոցներում չվերականգնվի «Հայոց եկեղեցու պատմություն» առարկան, ինքը չի հանդիպելու Նիկոլ Փաշինյանի հետ։ Գագիկ Մելքոնյանը նաև նշել է, որ իբրև Ամենայն Հայոց Հայրապետին ուղղորդել են, որ ինքը հրաժարվի հանդիպումից։
Նման հանդիպման առաջարկ արդյո՞ք ստացել է Ամենայն Հայոց Հայրապետը, թե՞ Գագիկ Մելքոնյանն ուղղակիորեն հանդես եկավ քաղաքական հայտարարությամբ։
Օրաթերթի այս հարցին Մայր Աթոռ Սուրբ Էջմիածնի Տեղեկատվական համակարգի տնօրեն Տեր Եսայի ավագ քահանա Արթենյանը փոխանցել է հետևյալը․
«Ամենայն Հայոց Կաթողիկոսը երբեք կառուցողական հանդիպմանը դեմ չի եղել։ Ինչ վերաբերում է հարցազրույցի մնացյալ հատվածին, ապա դրանում տեղ գտած դիտարկումները որևէ աղերս չունեն իրականության հետ։ Աղավաղված տեղեկատվություն և կեղծ թեզեր են, որ շրջանառվում են իշխող ուժի ներկայացուցիչների կողմից»։
Նմանատիպ հոդվածներ
Ավելին Քաղաքականություն բաժնից
Չօգնեց նույնիսկ ԵՄ-ի և ԱՄՆ-ի անթաքույց աջակցությունը. ընտրությունները՝ նաև յուրատեսակ հանրաքվե. Փաստ
Նոր ընտրություններ են սպասվում. կմիավորվեն ևս 4 համայնք և 54 բնակավայր. «Փաստ».
Թրամփը ոչ միայն ԱՄՆ նախագահ է, այլև «ազատ աշխարհի առաջնորդ». Ռուտտե
