Շենգավիթի դպրոցներից մեկից քաղաքացուն տեղափոխել են հիվանդանոց. նա մահացել է

Հուլիսի 29-ին ողբերգական դեպք է տեղի ունեցել Շենգավիթ վարչական շրջանում գործող Հով. Հովհաննիսյանի անվան թիվ 52 հիմնական դպրոցում։

Shamshyan.com-ի  հաղորդմամբ, այդ օրը Երևանի շտապօգնության թիվ 62 խումբը «պոլիտրավմա» ախտորոշմամբ հիվանդանոց է տեղափոխել մի քաղաքացու, այնուհետև շտապօգնության խումբը ոստիկանության Շենգավիթի բաժին հայտնել է, որ այդ քաղաքացին մահացել է։

Ոստիկաններն ու քննիչնեը պարզել են, որ մահացածը Երևանի բնակիչ՝ 77-ամյա Զուլալ Ս-ն էր։  Դեպքի փաստով քննչական բաժնում նախաձեռնվել է քրրական վարույթ, քննիչի որոշմամբ նշանակվել են մի շարք փորձաքննություններ, այդ թվում՝ դիակի դատաբժշկական։