Իրավիճակը գերլարված է. Չինաստանը հայտարարել է այսօր երեկոյան ռազմական գործողություններ սկսելու մասին
Նենսի Փելոսիի այցը Թայվան Չինաստանի ինքնիշխանության և տարածքային ամբողջականության լուրջ խախտում է։ Այս մասին հայտարարել է Չինաստանի ԱԳՆ-ն, գրում է IZ.ru-ն:
Գերատեսչությունում ընդգծել են, որ ԱՄՆ-ն կրակի հետ է խաղում` փորձելով Թայվանի օգնությամբ զսպել Չինաստանը:
«Ի պատասխան Նենսի Փելոսիի՝ Թայվան կատարած այցին, մենք կձեռնարկենք բոլոր անհրաժեշտ միջոցները՝ պաշտպանելու պետական ինքնիշխանությունը և տարածքային ամբողջականությունը, հետևանքների պատասխանատվությունը կրելու են Միացյալ Նահանգները և Թայբեյը»,- գրել է գերատեսչությունը:
Սպիտակ տանը հայտարարել են, որ ԱՄՆ Ներկայացուցիչների պալատի խոսնակ Փելոսիի այցը Թայվան Չինաստանի ինքնիշխանության խախտում չէ ։
Չինաստանի զինված ուժերը հայտարարում են ռազմական միջոցառումներ սկսելու մասին: Այս մասին հայտնում է IZ.ru-ն:
Չինաստանի Արևելյան մարտական հրամանատարական գոտին հայտարարել է, որ այսօր երեկոյան մի շարք ռազմական գործողություններ կսկսի Թայվանի մոտ:Չինաստանը զուգահեռաբար հայտարեց Թայվանի շրջակայքի վեց ծովային տարածքներում զորավարժությունների մասին` օգոստոսի 4-ից 7-ը:
