Սպահանում հետազոտական միջուկային ռեակտոր կկառուցվի
Իրանը մոտ ապագայում կսկսի Սպահանում հետազոտական միջուկային ռեակտոր կառուցել, գրում է «Fars»–ը:
«Առաջիկա շաբաթների ընթացքում Սպահանում կմեկնարկի հետազոտական ռեակտորի պաշտոնական կառուցումը», – հայտարարել է Իրանի ատոմային էներգիայի կազմակերպության ղեկավար Մոհամմադ Էսլամին։
Նա նշել է, որ նոր ռեակտորի նախատեսված հզորությունը 10 հազար մեգավատտ ատոմային էներգիա կկազմի։
Ավելի վաղ հայտնի էր դարձել, որ Ռուսաստանն ու Իրանը պայմանավորվել են ամրապնդել խաղաղ ատոմի ոլորտում համագործակցության շուրջ երկխոսությունը ու կոնկրետ լուծումներ գտնել։
