Բաքվում շարունակվել է հայ գերիների գործի քննությունը

Հունիսի 23-ին Բաքվի վերաքննիչ դատարանը շարունակեց Հայաստանի Հանրապետության քաղաքացիներ Արայիկ Հարությունյանի, Արկադի Ղուկասյանի, Բակո սալահյանի, Դավիթ Իշխանյանի, Դավիթ Բաբայանի, Լևոն Մնացականյանի և այլ անձանց վերաքննիչ բողոքների քննությունը, որոնց նկատմամբ Բաքվի ռազմական դատարանը մեղավոր ճանաչեց իբր «խաղաղության և մարդկության դեմ հանցագործությունների, ռազմական հանցագործությունների, այդ թվում՝ ագրեսիվ պատերազմի նախապատրաստման և վարման, ցեղասպանության, պատերազմի օրենքների և սովորույթների խախտման, ահաբեկչության, ահաբեկչության ֆինանսավորման, իշխանության բռնի զավթման և բազմաթիվ այլ հանցագործությունների մեղադրանքներով, որոնք կատարվել են Հայաստանի կողմից Ադրբեջանի դեմ ռազմական ագրեսիայի արդյունքում»: Այս մասին գրում է apa.az-ը:

Լևոն Մնացականյանը հայտարարել է, որ չի ընդունում իրեն առաջադրված մեղադրանքը։ Նույն դիրքորոշումն են ներկայացրել նաև գերեվարված Էրիկ Ղազարյանի, Լևոն Բալայանի և Գուրգեն Ստեփանյանի փաստաբանները։

Գարիկ Մարտիրոսյանը նույնպես չի ընդունել իր մեղքը, սակայն նույն աղբյուրների համաձայն՝ նրա պաշտպանը պահանջել է միայն մեղմացնել Մարտիրոսյանին առաջադրված մեղադրանքը։

Հաջորդ դատական նիստը նշանակված է հունիսի 30-ին։